കറവ വറ്റിയ പശുവില്‍ നിന്നും ആരും ഒന്നും പ്രതീക്ഷിക്കുന്നില്ല, കെ.വി തോമസ് ബലി മൃഗം : ചെറിയാന്‍ ഫിലിപ്പ്

കൊച്ചി : തൃക്കാക്കര ഉപതെരഞ്ഞെടുപ്പില്‍ എല്‍ഡിഎഫ് സ്ഥാനാര്‍ത്ഥിക്കായി പ്രചാരണത്തിനിറങ്ങിയ കെ.വി തോമസ് ബലി മൃഗമായി മാറിയിരിക്കുകയാണെന്ന് കോണ്‍ഗ്രസ് നേതാവ് ചെറിയാന്‍ ഫിലിപ്പ്. സിപിഐഎമ്മില്‍ പോകുന്നവരെല്ലാം ബലിമൃഗങ്ങളാണ്. എന്റെ കഴുത്തില്‍ കത്തിവെക്കുന്നതിന് മുമ്പ് ഞാനിങ്ങ് പോന്നു. കെ.വി തോമസ് കറവ വറ്റിയ പശുവാണെന്നും അദ്ദേഹം കുറ്റപ്പെടുത്തി. കറവ വറ്റിയ പശുവില്‍ നിന്നും ആരും ഒന്നും പ്രതീക്ഷിക്കുന്നില്ല. കറവ വറ്റിയതിനാല്‍ പാല്‍ കിട്ടത്തില്ല, മുറ്റി നരച്ചതിനാല്‍ മാംസം കൊണ്ടും പ്രയോജനമില്ല. അതുകൊണ്ട് സിപിഐ എം കെ.വി തോമസിനെ തിരസ്‌കരിക്കും എന്ന് ഉറപ്പാണെന്നും അദ്ദേഹം കൂട്ടിച്ചേര്‍ത്തു