കല്പറ്റ: കല്പ്പറ്റ മണ്ഡലം കണിയാമ്പറ്റ പഞ്ചായത്തിലെ 54-ാം നമ്പര് ബൂത്തായ അന്സാരിയ കോംപ്ലക്സില് കൈപ്പത്തി ചിഹ്നത്തിനുള്ള വോട്ട് താമരയ്ക്കു പോകുന്നതായി പരാതി. ഇവിടെ വോട്ടെടുപ്പ് താല്ക്കാലികമായി നിര്ത്തിവെച്ചു.
കളക്ടറേറ്റില്നിന്നു തെരഞ്ഞെടുപ്പ് വിഭാഗം ഉദ്യോഗസ്ഥര് സ്ഥലത്തെത്തിയിട്ടുണ്ട്. മൂന്നു പേര് കൈപ്പത്തിക്കു വോട്ട് ചെയ്തതില് രണ്ടു പേരുടെ വോട്ട് താമരയ്ക്കും ഒരാളുടേത് ആന ചിഹ്നത്തിലുമായാണ് വിവിപാറ്റില് കാണിച്ചത്. ഇതാണ് പരാതിക്ക് കാരണമായത്.
