തിരുവനന്തപുരം: മുന് മന്ത്രി വി എസ് ശിവകുമാറിനെതിരായ അനധികൃത സ്വത്തുസമ്പാദന കേസില് അന്വേഷണം കടുപ്പിച്ച് വിജിലന്സ്. ശിവകുമാറിന്റെ ബാങ്ക് ലോക്കര് തുറന്ന് പരിശോധിക്കാനുളള നീക്കത്തിലാണ് വിജിലന്സ് സംഘം. ഇതിനായി ഇന്ന് ബാങ്കിന് വിജിലന്സ് നോട്ടീസ് നല്കും. ശിവകുമാറിനെതിരായ അനധികൃത സ്വത്തുസമ്പാദന കേസ് അന്വേഷിക്കാന് പത്തംഗ സംഘത്തെ ചുമതലപ്പെടുത്തിയ ശേഷമാണ് പുതിയ നീക്കം. അന്വേഷണ സംഘത്തില് ഓഡിറ്ററെയടക്കം ഉള്പ്പെടുത്തിയിട്ടുണ്ട്. ശിവകുമാര് ഉള്പ്പെടെ നാലു പേരുടെയും സ്വത്തു വിവരങ്ങള് പ്രത്യേകമായി അന്വേഷിക്കാനാണ് തീരുമാനം.
ശിവകുമാര് സുഹൃത്തുക്കളുടെയും ഡ്രൈവറുടെയും പേരില് ബിമാനി സ്വത്ത് സമ്പാദിച്ചുവെന്നാണ് കേസ്. ഇതിനാണ് ഓഡിറ്ററെ കൂടി ഉള്പ്പെടുത്തി അന്വേഷണ സംഘം വിപുലീകരിച്ചത്. വിജിലന്സ് എസ് പി വി.എസ് അജിയുടെ നേതൃത്വത്തിലുള്ള സംഘത്തില് ഒരു ഡിവൈഎസ്പിയും രണ്ട് സിഐമാരും പോലീസുകാരമാണുള്ളത്. അതേ സമയം പ്രതികളുടെ വീടുകളില് വിജിലന്സ് പരിശോധനയില് അനധികൃത സ്വത്തു സമ്പാദനം തെളിയിക്കാനുള്ള രേഖകളൊന്നും ലഭിച്ചിട്ടില്ലെന്നാണ് സൂചന. അതിനാല് വിശദമായ അന്വേഷണം വേണ്ടിവരുമെന്ന് വിജിലന്സ് ഉദ്യോഗസ്ഥര് പറയുന്നു.
ശിവകുമാറിന്റെ ഭാര്യയുടെ പേരിലുള്ള ബാങ്ക് ലോക്കറിന്റെ താക്കോല് പരിശോധന ദിവസം വിജിലന്സിന് കൈമാറിയിരുന്നില്ല. താക്കോല് നഷ്ടപ്പെട്ടുവെട്ടുവെന്നാണ് ശിവകുമാര് നല്കിയ മൊഴി. ഈ സാഹചര്യത്തിലാണ് മറ്റാരെയും ലോക്കര് തുറക്കാന് അനുവദിക്കരുതെന്നും അന്വേഷണ സംഘത്തിന് ലോക്കര് തുറക്കാന് അനുമതിയും ആവശ്യപ്പെട്ട് വിജിലന്സ് കത്തു നല്കുന്നത്.
