പത്തനംതിട്ട: ജില്ല ഒട്ടാകെ കേന്ദ്ര സർക്കാർ സ്ഥാപനങ്ങൾക്ക് മുന്നിൽ ഐ എൻ ടി യു സി നേതൃത്വത്തിൽ മഹാത്മാ ഗാന്ധി തൊഴിലുറപ്പ് യൂണിയൻ സമരം തുടങ്ങുമെന്ന് ജില്ലാ പ്രസിഡന്റ് ജ്യോതിഷ് കുമാർ മലയാലപ്പുഴ. ആരുവാപ്പുലം ഗ്രാമ പഞ്ചായത്ത് കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം.
കൂലിയും തൊഴിൽ ദിനങ്ങളും വർധിപ്പിക്കണം എന്ന് ആവശ്യപ്പെട്ടു കോന്നി പോസ്റ്റ് ഓഫീസ് പടിക്കൽ ഈ മാസം 19 ന് ജില്ലാതല ഉദ്ഘാടനം നടക്കും. ജി. ശ്രീകുമാർ അധ്യക്ഷത വഹിച്ചു. ഗാന്ധിയുടെ പേരിൽ തുടങ്ങിയ പദ്ധതിയായത് കൊണ്ടാണ് കേന്ദ്ര സർക്കാർ തൊഴിലുറപ്പ് പണി ദിവസങ്ങൾ കുറച്ചും ബഡ്ജറ്റ് വിഹിതം താഴ്ത്തിയും അത് തകർക്കാൻ ശ്രമിക്കുന്നതെന്ന് അദ്ദേഹം പറഞ്ഞു.
