തിരുവനന്തപുരം: വാളയാറില് സഹോദരിമാര് ദുരൂഹസാഹചര്യത്തില് കൊല്ലപ്പെട്ട കേസിന്റെ അന്വേഷണം സിബിഐ ഏറ്റെടുത്തു. പാലക്കാട് പോക്സോ കോടതിയില് എഫ്ഐആര് സമര്പ്പിച്ചു. പോക്സോ, എസ്സി/എസ്ടി നിയമം, കൊലപാതകം എന്നിവ ചുമത്തിയാണ് എഫ്ഐആര് രേഖപ്പെടുത്തിയിരിക്കുന്നത്. സിബിഐ തിരുവനന്തപുരം യൂണിറ്റ് ഡിവൈഎസ്പി അനന്ത കൃഷ്ണനാണ് അന്വേഷണ ചുമതല. രണ്ട് കേസുകളാണ് രജിസ്റ്റര് ചെയ്തത്. മൂന്ന് പ്രതികള്ക്കെതിരെയാണ് എഫ്ഐആര് രേഖപ്പെടുത്തിയിരിക്കുന്നത്.
2017 ജനുവരി 13, മാര്ച്ച് നാല് എന്നീ തിയതികളിലാണ് വാളയാര് അട്ടപ്പളളത്തെ സഹോദരിമാരെ തൂങ്ങി മരിച്ച നിലയില് കണ്ടെത്തിയത്. പ്രതികളായ വി. മധു, ഷിബു, എം. മധു, പ്രദീപ് എന്നിവരെ 2019ല് പാലക്കാട് പോക്സോ കോടതി വെറുതെ വിട്ടു. വിധിക്കെതിരെയുളള അപ്പീലിന്മേല് വാദം നടക്കുന്നതിനിടെ പ്രദീപ് ആത്മഹത്യ ചെയ്തു. കേസ് അട്ടിമറിച്ച പോലീസ് ഉദ്യോഗസ്ഥര്ക്കെതിരെ നടപടി വേണമെന്നാവശ്യപ്പെട്ട് കുടുംബമുള്പ്പെടെയുളള സമരസമിതി പ്രവര്ത്തകര് സമരം നടത്തുകയായിരുന്നു.
