പത്തനംതിട്ട : പത്തനംതിട്ട നഗരസഭ പതിനാറാം വാർഡ് കൗൺസിലർ ബിജി മോൾ മാത്യുവിന്റെ നേതൃത്വത്തിൽ പച്ചക്കറി കിറ്റ് വിതരണം നടത്തി. വാർഡിലെ സുമനസ്സുകൾ നൽകിയ സാമ്പത്തിക സഹായവും തന്റെ ഓണറേറിയവും ഉപയോഗിച്ചാണ് കിറ്റുകൾ തയ്യാറാക്കിയത്. ആദ്യഘട്ടത്തില് വാർഡിലെ 32 നിർധന കുടുംബങ്ങൾക്ക് ഭക്ഷ്യധാന്യ കിറ്റുകള് വിതരണം ചെയ്തു. രണ്ടാം ഘട്ടത്തില് 215 വീടുകളിൽ പച്ചക്കറി കിറ്റുകൾ എത്തിച്ചു. കിറ്റുകൾ തയ്യാറാക്കുന്നതിനും വിതരണം ചെയ്യുന്നതിനും കുടുംബശ്രീ എഡിഎസ് ഭാരവാഹികൾ, അംഗൻവാടി വർക്കർമാർ എന്നിവർ നേതൃത്വം നൽകി.