തിരുവനന്തപുരം : കക്കൂസ് മാലിന്യം തോട്ടിലേക്ക് ഒഴുക്കാന് ശ്രമിക്കുന്നതിനിടെ ലോറി തലകീഴായി മറിഞ്ഞു. തിരുവനന്തപുരം നെടുമങ്ങാട് കിള്ളിയാറിന്റെ കൈവഴിയായ നെട്ടറ തോട്ടിലാണ് സംഭവം. സംഭവം അറിഞ്ഞ് നാട്ടുകാര് എത്തിയപ്പോഴേക്കും ഡ്രൈവര് രക്ഷപെട്ടു.
കരകുളം, മുല്ലശ്ശേരി തിരുമാനൂര് ശ്രീ മഹാദേവ ക്ഷേത്രത്തിനു സമീപത്തെ തോട്ടിലുടെ ഒഴുക്കാനാണ് കക്കൂസ് മാലിന്യവുമായി ലോറി എത്തിയത്. മാലിന്യം തോട്ടിലേക്ക് ഒഴുക്കുന്നതിനായി ലോറി പുറകോട്ട് എടുക്കുന്നതിനിടയില് നിയന്ത്രണം തെറ്റി തലകീഴായി മറിഞ്ഞെന്നാണ് വിവരം.
വാഹനത്തിലുണ്ടായിരുന്ന കക്കൂസ് മാലിന്യം പുറത്തു വന്നതോടുകൂടി പ്രദേശത്ത് ദുര്ഗന്ധം രൂക്ഷമായി. വാഹനം വീഴുന്ന ശബ്ദം കേട്ട് നാട്ടുകാര് എത്തിയപ്പോഴേക്കും ഡ്രൈവര് ഓടി രക്ഷപെട്ടു. നാട്ടുകാര് നെടുമങ്ങാട് പോലീസിനെ വിവരം അറിയിച്ചു. ഫയര്ഫോഴ്സ് എത്തി പ്രദേശം വൃത്തിയാക്കാന് ശ്രമിച്ചെങ്കിലും ദുര്ഗന്ധം മാറിയിട്ടില്ല. ഇവിടെ മാലിന്യം തള്ളുന്നത് പതിവാണെന്നും പരാതി നല്കിയിട്ടും നടപടി എടുക്കുന്നില്ലെന്നും നാട്ടുകാര് ആരോപിക്കുന്നു.
