കോഴഞ്ചേരി : കഴിഞ്ഞ ദിവസം എഴിക്കാട് കോളനിക്ക് സമീപം നീർവിളാകം പുഞ്ചയിൽ വള്ളം മറിഞ്ഞ് കാണാതായ വർക്ക് ഷോപ്പ് ഉടമ വിശ്വനാഥൻ ആചാരി (65)യുടെ മൃതദേഹം കണ്ടെടുത്തു. ഫയർ ആൻഡ് റെസ്ക്യു നാട്ടുകാരുമായി ചേർന്ന് രാവിലെ 8.30 ന് ആരംഭിച്ച തെരച്ചിലിനൊടുവിൽ 11 മണിയോടെ വള്ളം മറിഞ്ഞ ഭാഗത്തു നിന്നും 50 മീറ്റർ കിഴക്ക് മാറി കല്ലുമല ഭാഗത്ത് പകുതി പൊങ്ങിയ നിലയിലാണ് മൃതദേഹം കണ്ടെത്തിയത് .
ആറന്മുള പോലീസ് ഇൻക്വസ്റ്റ് തയ്യാറാക്കി മൃതദേഹം പത്തനംതിട്ട ജനറൽ ആശുപത്രിയിൽ പോസ്റ്റ്മോർട്ടത്തിനായി കൊണ്ടുപോയി. സംസ്ക്കാരം നാളെ എഴിക്കാട് ശ്മശാനത്തിൽ. ഭാര്യ – സരസ്വതി, മക്കൾ – സവിത, സരിത.
