വടശേരിക്കര: പേഴുംപാറ മേഖലയിൽ നാട്ടുകാർ കുടിവെള്ളം കിട്ടാതെ ബുദ്ധിമുട്ടുന്നു. വടശേരിക്കര ചാമ്പോൺ പമ്പ് ഹൗസിൽ നിന്നാണ് പേഴുംപാറ മേഖലയിൽ കുടിവെള്ളം എത്തിക്കുന്നത്. ഇതു മുടങ്ങിയിട്ട് ദിവസങ്ങൾ ആയി. ജനങ്ങൾ ഇപ്പോ ടാങ്കാറിനു പൈസ കൊടുത്തു കുടിവെള്ളം വാങ്ങേണ്ട അവസ്ഥ ആണ്. എല്ലാ ശബരിമല സീസൺ കാലത്തും ഇതു തന്നെ ആണ് അവസ്ഥ. വാട്ടർ അതോറിറ്റി ഓഫീസിൽ പരാതിയുമായി ചെന്നാൽ നടപടി ഉണ്ടാവില്ല. അവിടെ വിളിച്ചാൽ ഉദ്യോഗസ്ഥർ ഫോൺ പോലും എടുക്കുന്നില്ല എന്ന പരാതിയും ഉയരുന്നുണ്ട്.
പേഴുംപാറ പ്രദേശത്തോക്ക് വെള്ളം വരുന്ന വാൽവും പൈപ്പും പൊട്ടി വെള്ളം ലീക്ക് ആയി പോവുകയാണ്. അത് നന്നാക്കാൻ പോലും ഉദ്യോഗസ്ഥരോ മൈന്റ്ൻസ് പണിക്കാരോ ആരുമില്ല. അത് കാരണം 2000ലധികം കുടുംബങ്ങൾ ദുരിതത്തിൽ ആണ്. ശബരിമല സീസൺ ആയാൽ പേഴുംപാറയിലെ മോട്ടോർ പമ്പിൽ നിന്ന് അഴിച്ചു കൊണ്ടുപ്പോകുന്ന ഒരു പ്രവണത ഉണ്ട്. അത് ഈ പ്രാവിശ്യം നടക്കില്ല എന്ന് നാട്ടുകാർ പറഞ്ഞു. രണ്ടു ദിവസത്തിനുള്ളിൽ പ്രശ്ന പരിഹാരം കണ്ടില്ലെങ്കിൽ സമരപരിപാടി ആയി മുന്നോട്ട് പോകാൻ ആണ് ജനങ്ങളുടെ തീരുമാനം
