പത്തനംതിട്ട : നഗരഹൃദയത്തില് പ്രധാന പൈപ്പ് ലൈന് പൊട്ടിയതോടുകൂടി പത്തനംതിട്ട നഗരത്തില് കുടിവെള്ളമില്ല, പൊട്ടിയ പൈപ്പ് നന്നാക്കുന്നത് ഒച്ചിഴയുന്ന വേഗത്തിലെന്നും യൂത്ത് കോണ്ഗ്രസ് സംസ്ഥാന നിര്വാഹക സമിതി അംഗം നഹാസ് പത്തനംതിട്ട. മുനിസിപ്പാലിറ്റിയിലെ വീടുകളിലേക്കും കളക്ടറേറ്റ്, കോടതി, സിവില് സ്റ്റേഷന്, ജനറല് ആശുപത്രി തുടങ്ങിയ പൊതു സ്ഥാപനങ്ങളിലേക്കും വെള്ളമെത്തിക്കുന്ന പൈപ്പുകളുടെ അറ്റകുറ്റപ്പണികളാണ് ഒച്ചിഴയുന്ന വേഗത്തില് നടക്കുന്നത്.
പൊതുമരാമത്ത് വകുപ്പും വാട്ടര് അതോറിറ്റിയും തമ്മിലുള്ള തര്ക്കം രൂക്ഷമാണ്. പ്രധാനപ്പെട്ട രണ്ടു വകുപ്പുകള് തമ്മില് യോജിച്ചു പ്രവര്ത്തിക്കുന്നില്ലെന്ന് മാത്രമല്ല പരസ്പരം പഴിചാരി ജനങ്ങളെ കൂടുതല് ദുരിതത്തിലാക്കുകയും ചെയ്യുകയാണ്. ആരോഗ്യമന്ത്രി കൂടിയായ സ്ഥലം എംഎല്എ സ്വന്തം മണ്ഡലത്തില്, ജില്ലാ ആസ്ഥാനത്ത് നടക്കുന്ന ഈ കാര്യങ്ങളൊക്കെ അറിഞ്ഞിട്ടും മിണ്ടാതെയിരിക്കുകയാണ്. ഉദ്യോഗസ്ഥര്ക്ക് കര്ശന നിര്ദ്ദേശം നല്കി നിലക്ക് നിര്ത്തുവാന് തയ്യാറായില്ലെങ്കില് സമരപരിപാടികളുമായി യൂത്ത് കോണ്ഗ്രസ് മുന്നിട്ടിറങ്ങുമെന്നും നഹാസ് പത്തനംതിട്ട പറഞ്ഞു.
