മല്ലശ്ശേരി : പൂങ്കാവിലും തണ്ണിമത്തന് വിളവെടുപ്പ് ഉത്സവം. കര്ഷകനായ കെ. മാത്യു മല്ലശേരി പൂങ്കാവ് കവലയ്ക്കു സമീപം സ്ഥലം പാട്ടത്തിനെടുത്ത് കൃഷിചെയ്ത തണ്ണിമത്തന് വിളവെടുപ്പാണ് നാട് ആഘോഷമാക്കിയത്. വന്യമൃഗശല്യമുണ്ടാകാതിരിക്കാന് കൃഷിയിടങ്ങള്ക്ക് സംരക്ഷണ വേലി ഒരുക്കിയിരുന്നു. പ്രമാടം കൃഷി ഓഫീസര് ജെ.ആരതി കൃഷിക്കു വേണ്ട മാര്ഗനിര്ദേശങ്ങള് നല്കിയിരുന്നു. കൃഷി വിജ്ഞാന കേന്ദ്രം, അഗ്രോക്ലിനിക് സെന്റര് കോന്നി എന്നിവിടങ്ങളില് നിന്നുള്ള ക്ലാസുകളും തണ്ണിമത്തൻ കൃഷി മികവുറ്റതാക്കി.
കിരണ് ഇനത്തില്പെട്ട പച്ച തണ്ണിമത്തനാണ് കൃഷിചെയ്തത്.
വിളവെടുപ്പില് ഒട്ടനവധി തണ്ണിമത്തന് ലഭിച്ചു. വ്യാപാരികളും പ്രദേശവാസികളുമായി ഒട്ടേറെ പേര് തണ്ണിമത്തന് വാങ്ങാന് എത്തിയിരുന്നു. കിലോയ്ക്ക് 25രൂപയ്ക്കാണ് വില്പന നടത്തിയത്. പ്രമാടം ഗ്രാമപഞ്ചായത്തംഗം വാഴവിള അച്യുതന് നായര്, കൃഷി ഓഫിസര് ജെ. ആരതി, കൃഷി അസിസ്റ്റന്റ് ജി.കെ.വീണ, കർഷകൻ കെ. മാത്യു മല്ലശേരി , വൈഎംസിഎ സെക്രട്ടറി രാജുജോണ്, മാത്യു മല്ലശേരി, അനില് കുമാര്, ജോണ്സണ് മല്ലശേരി, ഒട്ടേറെ വ്യാപാരികളും കര്ഷകരും എന്നിവര് പങ്കെടുത്തു.
