കല്പറ്റ: വയനാട് ജില്ലാ കളക്ടര് എ. ഗീത പങ്കുവെച്ച ഫേസ്ബുക്ക് കുറിപ്പാണ് ഇപ്പോള് സോഷ്യല് മീഡിയയിലെ ചര്ച്ചാവിഷയം. സഫൂറ നൗഷാദ് എന്ന ആറാം ക്ലാസ്സുകാരി കളക്ടര്ക്ക് അയച്ച മെയിലിനെ പറ്റിയാണ് കളക്ടറുടെ പോസ്റ്റ്. നമ്മുടെ കുട്ടികള് പൊളിയാണെന്നും അവരുടെ ലോകം വിശാലമാണെന്നും കളക്ടര് ഫേസ്ബുക്കില് കുറിച്ചു. നാല് ദിവസം അടുപ്പിച്ച് വീട്ടിലിരിക്കാന് ബുദ്ധിമുട്ടാണെന്നും ബുധനാഴ്ച്ച സ്ക്കൂളിന് അവധി വേണ്ടെന്നുമാണ് സന്ദേശത്തിലൂടെ വിദ്യാര്ത്ഥിനി ആവശ്യപ്പെടുന്നത്.
ഫേസ്ബുക്ക് കുറിപ്പിന്റെ പൂര്ണ രൂപം,
അയ്യോ! ഇനി ലീവ് തരല്ലേ.. ആറാം ക്ലാസുകാരി സഫൂറ നൗഷാദിന്റെ ഇമെയില് ഇന്ന് രാവിലെയാണ് കിട്ടിയത്. നാലു ദിവസം അടുപ്പിച്ച് വീട്ടിലിരിക്കാന് വലിയ ബുദ്ധിമുട്ടാണെന്നും ബുധനാഴ്ച ക്ലാസ് വേണമെന്നും ആണ് മിടുക്കിയുടെ ആവശ്യം. എത്ര തെളിമയാണ് ഈ സന്ദേശത്തിന് മിടുക്കരാണ് നമ്മുടെ മക്കള്. അവരുടെ ലോകം വിശാലമാണ്. നക്ഷത്രങ്ങള്ക്കുമപ്പുറത്തേക്ക് നോക്കാന് കഴിയുന്ന മിടുക്കര്. ഇവരില് നമ്മുടെ നാടിന്റെയും ഈ ലോകത്തിന്റെയും ഭാവി ഭദ്രമാണ്. അഭിമാനിക്കാം വിദ്യാര്ഥികള്ക്കൊപ്പം രക്ഷിതാക്കള്ക്കും അധ്യാപകര്ക്കും സര്ക്കാരിനും സമൂഹത്തിനും വളര്ന്ന് വരുന്ന ഈ തലമുറയെ ഓര്ത്ത്…
