തിരുവനന്തപുരം: വയനാട് വന്യജീവി സങ്കേതത്തിന് ചുറ്റുമായി 118.59 ചതുരശ്ര കി. മീറ്റര് സ്ഥലം പരിസ്ഥിതി ലോല മേഖലയാക്കുന്നതിനുള്ള (ഇകോ സെന്സിറ്റിവ് ) കേന്ദ്ര വനം-പരിസ്ഥിതി മന്ത്രാലയത്തിന്റെ കരട് വിജ്ഞാപനം ഈ മേഖലയില് ജീവിക്കുന്ന ജനങ്ങളുടെ ന്യായമായ ആശങ്ക കണക്കിലെടുത്ത് ഭേദഗതി ചെയ്യണമെന്നാവശ്യപ്പെട്ട് പ്രധാനമന്ത്രിക്ക് കത്തയച്ച് മുഖ്യമന്ത്രി പിണറായി വിജയന്. സംസ്ഥാന സര്ക്കാര് 2020 ജനവരിയില് സമര്പ്പിച്ച ഭേദഗതി ചെയ്ത ശുപാര്ശ പ്രകാരം പരിസ്ഥിതി ലോല മേഖലയായി വിജ്ഞാപനം ചെയ്യേണ്ടത് 88.2 ചതുരശ്ര കിലോമീറ്ററാണ്.
എന്നാല് കേന്ദ്ര വനം-പരിസ്ഥിതി മന്ത്രാലയം 118.59 ചതുരശ്ര കിലോമീറ്ററാണ് ഉള്പ്പെടുത്തിയത്. പരിസ്ഥിതി ലോല മേഖലകള് വിജ്ഞാപനം ചെയ്യുമ്ബോള് ജനങ്ങള് തിങ്ങിപ്പാര്ക്കുന്ന പ്രദേശങ്ങള് ഒഴിവാക്കണമെന്ന നിലപാടിലാണ് സംസ്ഥാനം. അത് കണക്കിലെടുത്ത് തോല്പ്പെട്ടി, കാട്ടിക്കുളം, പനവല്ലി, കുറുക്കന്മൂല, ചാലിഗഡ, കാപ്പിസ്റ്റോര്, ചീയാമ്ബം, മൂടക്കൊല്ലി, ചീരാല് എന്നീ പ്രദേശങ്ങള് ഒഴിവാക്കണം. ജീവിക്കാന് പ്രയാസപ്പെടുന്നവരാണ് ഈ മേഖലകളില് അധിവസിക്കുന്നതെന്ന് കൂടി കണക്കിലെടുത്ത് കരടു വിജ്ഞാപനത്തില് ആവശ്യമായ മാറ്റം വരുത്താന് വനം-പരിസ്ഥിതി മന്ത്രാലയത്തോട് നിര്ദേശിക്കണമെന്നും പ്രധാനമന്ത്രിയോട് മുഖ്യമന്ത്രി ആവശ്യപ്പെട്ടു.