വയനാട് : അമ്പലവയലില് വയോധികനെ കൊന്ന് ചാക്കില് കെട്ടിയ സംഭവത്തില് പ്രായപൂര്ത്തിയാകാത്ത രണ്ടു പെണ്കുട്ടികള് പോലീസില് കീഴടങ്ങി. ചൊവ്വാഴ്ച രാവിലെ 11നാണ് 68 വയസുള്ള മുഹമ്മദിനെ മരിച്ച നിലയില് കണ്ടെത്തിയത്. പെണ്കുട്ടികള് താമസിച്ചിരുന്നത് മുഹമ്മദിന്റെ വാടകവീട്ടിലായിരുന്നു. അമ്മയെ ഇയാള് ഉപദ്രവിക്കാന് ശ്രമിച്ചപ്പോള് കോടാലി കൊണ്ട് തലയ്ക്കടിച്ച് കൊലപ്പെടുത്തുകയായിരുന്നുവെന്ന് പെണ്കുട്ടികള് മൊഴി നല്കി.
പത്താംക്ലാസിലും പ്ലസ് വണ്ണിലും പഠിക്കുന്ന വിദ്യാര്ഥിനികളാണ് കുറ്റം ചെയ്തത്. കൊലപാതകത്തിനു ശേഷം ഇവര് വീടിന് സമീപമുള്ള പൊട്ടക്കിണറ്റിലാണ് മൃതദേഹം ഒളിപ്പിച്ചത്. തുടര്ന്ന് വൈകുന്നേരം പെണ്കുട്ടികള് പോലീസ് സ്റ്റേഷനില് എത്തി കീഴടങ്ങുകയായിരുന്നു. കുട്ടികളുടെ അമ്മയെയും പോലീസ് കസ്റ്റഡിയിലെടുത്തിട്ടുണ്ട്. വിദ്യാര്ഥിനികളെ ബുധനാഴ്ച ജുവനൈല് കോടതിയില് ഹാജരാക്കുമെന്നും പോലീസ് അറിയിച്ചു. സംഭവത്തില് വിശദമായ അന്വേഷണം തുടങ്ങി.
