ചെന്നൈ : തമിഴ്നാട്ടില് കനത്ത മഴ തുടരുന്നു. ചെന്നൈയില് കാലാവസ്ഥ മോശമായതിനെ തുടര്ന്ന് എട്ട് വിമാനങ്ങള് റദ്ദാക്കി. ചെന്നൈ വിമാനത്താവളത്തില് നിന്ന് പുറപ്പെടേണ്ട നാല് വിമാനങ്ങളും ചെന്നൈയില് ഇറങ്ങേണ്ട നാല് വിമാനങ്ങളുമാണ് റദ്ദാക്കിയത്. ഇന്ന് വൈകുന്നേരം സര്വീസ് നടത്തേണ്ടിയിരുന്ന ഇന്ഡിഗോയുടെ ചെന്നൈ മധുര, ചെന്നൈ തിരുച്ചിറപ്പള്ളി വിമാനങ്ങള് റദ്ദാക്കിയതായി വിമാനത്താവള അധികൃതര് അറിയിച്ചു. ഈ വിമാനങ്ങളുടെ തിരിച്ചുള്ള സര്വീസും റദ്ദാക്കിയിട്ടുണ്ട്. ഇന്ന് രാത്രി പുറപ്പെടേണ്ടിയിരുന്ന ചെന്നൈ മുംബൈ ഇന്ഡിഗോ വിമാനവും നാളെ രാവിലത്തെ മുംബൈ ചെന്നൈ വിമാനവും റദ്ദാക്കിയിട്ടുണ്ട്. ഷാര്ജ – ചെന്നൈ എയര് അറേബ്യ വിമാനത്തിന്റെ വരവും പോക്കും റദ്ദാക്കിയിട്ടുണ്ട്.
