തിരുവനന്തപുരം: സംസ്ഥാനത്ത് അടുത്ത അഞ്ചു ദിവസം വ്യാപകമായ മഴയ്ക്ക് സാധ്യത.തിങ്കളാഴ്ച മുതല് ബുധനാഴ്ച വരെയുളള ദിവസങ്ങളില് കേരളത്തില് ഒറ്റപ്പെട്ട സ്ഥലങ്ങളില് അതിശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥാവകുപ്പ് അറിയിച്ചു.ലക്ഷദ്വീപിനും തെക്കു കിഴക്കന് അറബിക്കടലിനും സമീപമായി ചക്രവാതചുഴി നിലനില്ക്കുന്നു. ഇതില് നിന്ന് ന്യൂനമര്ദ്ദ പാത്തി മഹാരാഷ്ട്ര വരെയും മറ്റൊരു ന്യൂനമര്ദ്ദ പാത്തി തെക്കു കിഴക്കന് ബംഗാള് ഉള്ക്കടല് വരെയും നിലനില്ക്കുന്നു.
ഇതിന്റെ ഫലമായാണ് കേരളത്തില് മഴ കനക്കുന്നത്. കേരള- ലക്ഷദ്വീപ് -കര്ണാടക തീരങ്ങളില് 40 മുതല് 50 കിലോമീറ്റര് വേഗതയിലും ചില അവസരങ്ങളില് മണിക്കൂറില് 60 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത. അതിനാല് മത്സ്യബന്ധനത്തിനു പോകാന് പാടുളളതല്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
