തിരുവനന്തപുരം: ഏപ്രില് 30 രാത്രി 11:30 വരെ കൊല്ലം, ആലപ്പുഴ, കൊച്ചി, പൊന്നാനി, കോഴിക്കോട്, കണ്ണൂര്, കാസര്ഗോഡ് എന്നീ തീരങ്ങളിലും താഴ്ന്ന പ്രദേശങ്ങളിലും ഉയര്ന്ന തിരമാലയ്ക്കും (ഒന്ന് മുതല് 1.5 മീറ്റര് വരെ ഉയരത്തില്) കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രത്തിന്റെ (INCOIS) അറിയിപ്പ്. മല്സ്യത്തൊഴിലാളികളും തീരദേശവാസികളും ഈ ദിവസങ്ങളില് ജാഗ്രത പുലര്ത്താന് നിര്ദേശമുണ്ട്. ആഴക്കടലില് മല്സ്യബന്ധനം തുടരാം.
