തിരുവനന്തപുരം: സംസ്ഥാനത്ത് തിങ്കളാഴ്ച മുതല് വീണ്ടും മഴ ശക്തമാകാന് സാധ്യതയെന്ന് കാലാവസ്ഥാ പ്രവചനം. വിവിധ ജില്ലകളില് കേന്ദ്ര കാലാവസ്ഥാ വകുപ്പ് മഞ്ഞ അലര്ട്ട് പ്രഖ്യാപിച്ചു.
മഞ്ഞ അലര്ട്ട് പ്രഖ്യാപിച്ചിട്ടുള്ള ജില്ലകള്
തിങ്കള് (22-08-2022): കോട്ടയം, എറണാകുളം, ഇടുക്കി
ചൊവ്വ (23-08-2022): കോട്ടയം, എറണാകുളം, ഇടുക്കി
ബുധന് (24-08-2022): കോട്ടയം, ഇടുക്കി, തൃശ്ശൂര്, മലപ്പുറം
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നതെന്ന് കാലാവസ്ഥാ വകുപ്പ് വാര്ത്താക്കുറിപ്പില് അറിയിച്ചു.
