ന്യൂഡല്ഹി : പ്രധാനമന്ത്രി നരേന്ദ്ര മോദി ഇന്ത്യയില് 5ജി സേവനങ്ങള് ഇന്ന് ഉദ്ഘാടനം ചെയ്തു. ഈ മാസം തന്നെ വിവിധ ടെലികോം കമ്പനികള് 5ജി സേവനങ്ങള് ആരംഭിക്കും. പക്ഷെ രാജ്യവ്യാപകമായി ഉടന് 5ജി ലഭിക്കില്ല. പകരം തിരഞ്ഞെടുത്ത നഗരങ്ങളില് മാത്രമെ 5ജി കണക്റ്റിവിറ്റി ലഭിക്കുള്ളൂ. 13 നഗരങ്ങളിലാണ് 5ജി ആദ്യം ലഭിക്കുക. ഇക്കൂട്ടത്തില് കേരളത്തിലെ നഗരങ്ങള് ഉള്പ്പെട്ടിട്ടില്ല.
അഹമ്മദാബാദ്, ബെംഗളുരു, ചണ്ഡിഗഢ്, ചെന്നൈ, ഡല്ഹി, ഗാന്ധിനഗര്, ഗുരുഗ്രാം, ഹൈദരാബാദ്, ജാംനഗര്, കൊല്ക്കത്ത, ലഖ്നൗ, മുംബൈ, പുണെ എന്നിവിടങ്ങളിലാണ് ആദ്യം 5ജി എത്തുക. 2023 അവസാനത്തോടെ രാജ്യവ്യാപകമായി 5ജി എത്തിക്കുമെന്നാണ് റിലയന്സ് ജിയോയുടെ പ്രഖ്യാപനം. ഇന്ത്യയില് എയര്ടെല്, ജിയോ, വി എന്നീ കമ്പനികളാണ് മൊബൈല് സേവന ദാതാക്കള്ക്കായി 5ജി എത്തിക്കുക. നിരക്കുകള് കമ്പനികള് ഇതുവരെ പ്രഖ്യാപിച്ചിട്ടില്ല.
