റാന്നി: പമ്പാനദിയിലെ കുത്തൊഴുക്കില് കാട്ടാനയുടെ ജഢം ഒഴുകിയെത്തി കരക്കടിഞ്ഞു. തുലാപ്പള്ളി കിസുമത്തിനു സമീപം മൂലക്കയം കടവിലാണ് ആനയുടെ ജഢം അടിഞ്ഞത്. ഇന്നു രാത്രി എട്ടരയോടെ നാട്ടുകാരാണ് സംഭവം കണ്ടത്. വിവരമറിഞ്ഞ് പമ്പ പോലീസും കണമല വനം വകുപ്പ് അധികൃതരും സ്ഥലത്തെത്തി.
രാത്രിയോടെ ജഢം നദീ തീരത്തേക്കു നാട്ടുകാരുടെ സഹായത്തോടെ മാറ്റുവാനുള്ള ശ്രമത്തിലാണ് അധികൃതര്. കഴിഞ്ഞ ദിവസങ്ങളില് പെയ്ത കനത്ത മഴയിലുണ്ടായ മലവെള്ളപ്പാച്ചലില് ഒഴുക്കില്പ്പെട്ടതാകാമെന്നു സംശയിക്കുന്നു. പമ്പ പോലീസും കണമല ഫോറസ്റ്റ് സ്റ്റേഷന് അധികൃതരും സ്ഥലത്തു കാമ്പ് ചെയ്യുന്നുണ്ട്.
