കോയമ്പത്തൂർ : ജില്ലയിൽ ആറായിരത്തിലേറെ കർഷകർക്ക് സൗജന്യ വൈദ്യുതി കണക്ഷൻ നൽകുന്നു. 6,363 കർഷകർക്ക് കണക്ഷൻ നൽകുന്ന പരിപാടി വൈദ്യുതിമന്ത്രി സെന്തിൽ ബാലാജി ഉദ്ഘാടനം ചെയ്തു. കർഷകർക്ക് സൗജന്യ വൈദ്യുതി കണക്ഷൻ നൽകുമെന്ന മുഖ്യമന്ത്രി എം.കെ സ്റ്റാലിന്റെ നിയമസഭയിലെ പ്രഖ്യാപനത്തെത്തുടർന്നാണ് പരിപാടി ആസൂത്രണം ചെയ്തത്.
2022 മാർച്ചിനകം സൗജന്യ കണക്ഷൻ നൽകുന്ന ജോലി പൂർത്തിയാക്കും.
സൗജന്യ കണക്ഷൻ നൽകുക വഴി കോയമ്പത്തൂരിൽ 48.85 കോടിരൂപ ചെലവ് വരുമെന്നാണ് പ്രാഥമികനിഗമനം. മുൻ സർക്കാരിന്റെ ഭരണത്തിൽ വൈദ്യുതി ഉത്പാദന-വിതരണ വിഭാഗത്തിൽ 1.59 ലക്ഷം കോടിയുടെ കടബാധ്യത ഉണ്ടായിട്ടുണ്ടെന്ന് വൈദ്യുതി മന്ത്രി പറഞ്ഞു.
