പത്തനംതിട്ട : വി കോട്ടയം ഏഴുമണ്ണിൽ കഴിഞ്ഞ ദിവസം പ്രദേശവാസികളെ ആക്രമിച്ച കാട്ടുപന്നിയെ വെടിവെച്ചു കൊന്നു. കുമ്മണ്ണൂർ ഫോറസ്റ്റ് ഡെപ്യൂട്ടി റേഞ്ച് ഓഫീസർ ബി.സുന്ദരന്റെ നേതൃത്വത്തിൽ എത്തിയ ഫോറസ്റ്റ് സംഘത്തിലെ എംപാനൽ ഷൂട്ടർ സന്തോഷ് മാമനാണ് പന്നിയെ വെടിവെച്ചു കൊന്നത്. പ്രമാടം ഗ്രാമപഞ്ചായത്ത് പതിമൂന്നാം വാർഡ് മെമ്പർ കെ.ജയകൃഷ്ണൻ അറിയിച്ചതിനെ തുടർന്ന് എത്തിയ ഫോറസ്റ്റ് സംഘത്തിലെ ഷൂട്ടർ സന്തോഷ് മാമനെ അക്രമിക്കാനായി പാഞ്ഞടുത്ത കാട്ടുപന്നി അടുത്ത പറമ്പിൽ നിന്നിരുന്ന പശുക്കളെയും ആക്രമിച്ചു. എഴുമണ്ണിൽ പുത്തൻവീട്ടിൽ പ്രസന്നനും കുടുംബവും തലനാരിഴക്കാണ് കാട്ടുപന്നിയുടെ ആക്രമണത്തിൽ അകപ്പെടാതിരുന്നത്. ബീറ്റ് ഫോറസ്റ്റ് ഓഫീസർമാരായ കെ.ശശിധരൻ നായർ, എ.എസ് ശ്യാമിലി, എന്നിവർ സംഘത്തിൽ ഉണ്ടായിരുന്നു.
