വടശേരിക്കര : കാട്ടുപന്നിയുടെ ആക്രമണത്തിൽ വീട്ടമ്മയ്ക്ക് പരുക്കേറ്റു. റിട്ട. മെയിൽ ഓവർസീയർ വടശേരിക്കര വലിയതറയിൽ പരേതനായ സഖറിയ വർഗീസിന്റെ ഭാര്യ റേച്ചലിനാണ് (74) പരുക്കേറ്റത്. ഇന്നലെ രാവിലെ 7ന് മണ്ണാരക്കുളഞ്ഞി–പമ്പ ശബരിമല പാതയുടെ സമാന്തരമായ മുണ്ടപ്ലാക്കൽ–ചമ്പോൺ റോഡിലാണ് സംഭവം. ചെറുമകൾ ലുദിയായെ സ്കൂൾ ബസിൽ കയറ്റി വിടാനായി നിന്നപ്പോളാണ് പന്നി ആക്രമിച്ചത്.
പന്നിയുടെ ആക്രമണത്തിൽ റേച്ചൽ താഴെ വീഴുകയും പന്നിയെ കണ്ടചെറുമകൾ അലറിക്കരഞ്ഞതോടെ പന്നി ഓടിപ്പോകുകയായിരുന്നു. വലത് തോളിന്റെ പിന്നിലും വലതു കാലിനും വലതു കൈക്കും പരുക്കേട്ടിട്ടുണ്ട്. പെരുനാട് സാമൂഹിക ആരോഗ്യ കേന്ദ്രത്തിൽ ചികിത്സ തേടി. തെളിക്കാതെ കിടക്കുന്ന കാടുകളായതിനാല് ഇവിടെ പന്നികളുടെ ഉപദ്രവം ഉണ്ട്. ഇത് പരിസരവാസികളെ വലിയ രീതിയില് ഭീതിയിലാഴ്ത്തുന്നുണ്ട്.