കോഴിക്കോട്: ബിജെപി സ്ഥാനാര്ഥിയെ കാട്ടുപന്നി കുത്തി. കോടഞ്ചേരി പഞ്ചായത്തില് 19-ാം വാര്ഡ് കണ്ണോത്ത് സൗത്ത് സ്ഥാനാര്ഥി വാസു കുഞ്ഞനാണ് (53) പരിക്കേറ്റത്. ഇന്ന് രാവിലെ 5.45നാണ് സംഭവം. പോളിംഗ് സ്റ്റേഷനിലേക്ക് വരുന്ന വഴിയാണ് കാട്ടുപന്നിയുടെ ആക്രമണം ഉണ്ടായത്. സ്ഥാനാര്ഥി സഞ്ചരിച്ചിരുന്ന ബൈക്ക് കാട്ടുപന്നി കുത്തി വീഴ്ത്തുകയായിരുന്നു. പരിക്കേറ്റ വാസു കുഞ്ഞനെ നെല്ലിപ്പൊയിലില് സ്വകാര്യ ആശുപത്രിയില് പ്രവേശിപ്പിച്ചു.
