മല്ലപ്പള്ളി : കല്ലുപ്പാറയില്‍ കൃഷി നശിപ്പിച്ച കാട്ടു പന്നിയെ വെടിവെച്ചു കൊന്നു. കല്ലൂപ്പാറ പുതുശേരി 13ാം വാര്‍ഡില്‍ തെക്കന്‍ നാട്ടില്‍ വീട്ടില്‍ ലെജുവിന്റെ പുരയിടത്തിലെ കൃഷി നശിപ്പിച്ച കാട്ടു പന്നിയെയാണ് ഷൂട്ടര്‍ ജോസ് കുന്നുംപുറത്ത് വെടിവെച്ചു കൊന്നത്. ഗ്രാമ പഞ്ചായത്ത് വൈസ് പ്രസിഡന്റ് ചെറിയാന്‍ മണ്ണംചേരി, സമീപവാസികളായ ജോണ്‍സന്‍, സജി, കര്‍ഷക ജാഗ്രത സമിതി അംഗം ടിജോ എന്നിവര്‍ സന്നിഹിതരായിരുന്നു. വെടിയേറ്റ് ചത്ത പന്നിയുടെ മൃതദേഹം റാന്നിയില്‍ നിന്നുമെത്തിയ വനം വകുപ്പ് അധികൃതര്‍ക്ക് കൈമാറി.
