റാന്നി : ചെല്ലക്കാട് സെൻ്റ് തോമസ് എൽ.പി. സ്കൂളിലെ നേതൃപരിശീലന ക്യാമ്പിനോട് അനുബന്ധിച്ചുള്ള വിവിധ പരിപാടികളുടെ ഉദ്ഘാടനം റാന്നി എം. എൽ. എ. പ്രമോദ് നാരായൺ നിർവഹിച്ചു. കവിതകൾ ചൊല്ലിയും പാട്ടുകൾ പാടിയും എം. എൽ. എ. കുട്ടികളോട് ഏറെ നേരം സംസാരിച്ചു. വാർഡ് മെമ്പർ ജിജി വർഗീസ് അധ്യക്ഷത വഹിച്ചു. സ്കൂൾ മാനേജർ ഏബ്രഹാം തോമസ്, പി. റ്റി. എ. പ്രസിഡൻ്റ് ഏബ്രഹാം വലിയകാലയിൽ, പ്രഥമധ്യാപിക അനില റ്റി. ചെറിയാൻ, ക്യാമ്പ് ഡയറക്ടർ ജിനു, അധ്യാപികമാരായ ജെസ്സി മേരി മാത്യു, സുനി റേച്ചൽ ജേക്കബ്, ഷൈനി തോമസ്, രേണു തങ്കപ്പൻ എന്നിവർ പ്രസംഗിച്ചു.
