മലപ്പുറം : എടക്കരയിൽ തീറ്റ തേടി കാടിറങ്ങിയ ആന കൃഷിയിടത്തിലെ ആൾമറയില്ലാത്ത കിണറ്റിൽ വീണു. കരുളായി പാലാങ്കര വലിയ പാലത്തിന് സമീപമുള്ള സ്വകാര്യ വ്യക്തിയുടെ കൃഷിയിടത്തിലെ കിണറിലാണ് ആന അകപ്പെട്ടത്. കൃഷിയിടത്തിന്റെ ഭാഗത്തുനിന്ന് അസ്വാഭാവികമായ അലർച്ച കേട്ടെത്തിയ പ്രദേശവാസികളാണ് കിണറ്റിൽ വീണുകിടക്കുന്ന ആനയെ കണ്ടെത്തിയത്. വിവരം ലഭിച്ചതിനെ തുടർന്ന് വനപാലകരുടെ സംഘം ഉടൻ സ്ഥലത്തെത്തി രക്ഷാപ്രവർത്തനങ്ങൾക്ക് നേതൃത്വം നൽകി. ആനയെ സുരക്ഷിതമായി പുറത്തെടുക്കുന്നതിനായി ജെസിബി ഉപയോഗിച്ച് കിണറിന്റെ ഒരു ഭാഗം വലുതാക്കി. തുടർന്ന് പുറത്തുകടക്കാൻ സൗകര്യമൊരുക്കിയതോടെ ആന സ്വയം കരയിലേക്ക് കയറുകയായിരുന്നു. രക്ഷാപ്രവർത്തനം വിജയകരമായി പൂർത്തിയായതോടെ നാട്ടുകാർക്കും വനപാലകർക്കും ആശ്വാസമായി. പരിക്കുകളൊന്നുമില്ലാതെ രക്ഷപ്പെട്ട ആന പിന്നീട് വനമേഖലയിലേക്ക് മടങ്ങി.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
