കോന്നി : ചങ്ങറ സമരഭൂമിയിൽ കാട്ടാന വീട് തകർത്തു. 47 ആം നമ്പർ ശാഖയിലെ നീതു ഭവനിൽ തുളസിയുടെ വീടാണ് കാട്ടാന തകർത്തത്. കഴിഞ്ഞദിവസം രാത്രിയായിരുന്നു കാട്ടാനയുടെ ആക്രമണം ഉണ്ടായത്. പിടിയാനയും കുട്ടിയും ഉൾപ്പെടെ രണ്ട് കാട്ടാനകൾ ആണ് വീട് തകർത്തതെന്ന് ഇവർ പറയുന്നു. സംഭവ സമയത്ത് വീടിനുള്ളിൽ ആളുകൾ ഉണ്ടായിരുന്നുവെങ്കിലും ഇവർ പരിക്കേൽക്കാതെ ഓടി രക്ഷപ്പെടുകയായിരുന്നു. വീടിന്റെ ഭിത്തിയടക്കം കാട്ടാന തകർത്തിട്ടുണ്ട്. സമീപവാസിയായ ജാനമ്മയുടെ വീടിന് മുകളിലേക്ക് കാട്ടാന മരം തള്ളി ഇടുകയും ചെയ്തു. ഞള്ളൂർ ഉത്തര കുമരംപേരൂർ ഫോറസ്റ്റ് സ്റ്റേഷൻ അധികൃതർ സ്ഥലത്ത് എത്തി സ്ഥിതികൾ വിലയിരുത്തി. പ്രദേശത്ത് ഏറെക്കാലമായി കാട്ടാന ശല്യം രൂക്ഷമാണെന്നും ഇതിന് പരിഹാരം കാണുന്നില്ലന്നും ചെങ്ങറ നിവാസികൾ ആരോപിക്കുന്നു. കഴിഞ്ഞ കുറച്ച് മാസങ്ങള്ക്ക് മുന്പാണ് ചെങ്ങറ സമരഭൂമിയുടെ സമീപം കല്ലാറ്റില് കാട്ടാനയെ ചരിഞ്ഞ നിലയില് കണ്ടെത്തിയത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
