മന്ദമരുതി : ദീർഘവീക്ഷണമുള്ള മുൻകാല കോൺഗ്രസ് ഭരണാധികാരികളുടെ ഇച്ഛാശക്തിയാണ് ദാരിദ്ര്യത്തിന്റെ പടുകുഴിയിൽ നിന്നും ഇന്ത്യയെ വികസിത രാജ്യമാക്കി മാറ്റിയതെന്ന് ജില്ലാ പഞ്ചായത്ത് അംഗം ജെസ്സി അലക്സ്. അധികാരത്തിൽ തുടരാൻ ഏത് മാർഗവും അവലമ്പിക്കാനല്ല, രാജ്യത്തിന്റെ മതേതരത്വവും ജനാധിപത്യവും സംരക്ഷിക്കാൻ ആണ് അവർ മുഖ്യ പരിഗണന നൽകിയത് എന്നും അദ്ദേഹം പറഞ്ഞു.
കോൺഗ്രസ് പഴവങ്ങാടി ടൗൺ മണ്ഡലം കമ്മിറ്റി സംഘടിപ്പിച്ച ഇന്ദിരാ ഗാന്ധി രക്തസാക്ഷിത്വ ദിനവും സർദാർ വല്ലഭായി പട്ടേൽ, ഉമ്മൻ ചാണ്ടി എന്നിവരുടെ ജന്മദിനാചരണവും ഉത്ഘാടനം ചെയ്യുകയായിരുന്നു ജെസ്സി അലക്സ്. മണ്ഡലം പ്രസിഡന്റ് പ്രമോദ് മന്ദമരുതി അധ്യക്ഷത വഹിച്ചു. റൂബി കോശി, റെഞ്ചി പതാലിൽ, ബിനോജ് ചിറയ്ക്കൽ, ഷേർളി ജോർജ്, കെ. ഇ. മാത്യു, റോയ് ഉള്ളിരിക്കൽ, ഷിബു പറങ്കിത്തോട്ടത്തിൽ, ജോസഫ് കാക്കാനംപള്ളിൽ, ബിജി വർഗീസ്, പി. എം. തോമസ് എന്നിവർ പ്രസംഗിച്ചു.
