നെയ്യാറ്റിന്കര : പഴയ ചങ്ങാതിയും മുന് മന്ത്രിയുമായ എ.നീലലോഹിത ദാസിനു ജന്മദിനാശംസയുമായി ഗവര്ണര് ആരിഫ് മുഹമ്മദ് ഖാന്. നെല്ലിമൂട് കഴിവൂര് ശ്രീപുരത്തെ മുന് മന്ത്രിയുടെ വസതിയില് എത്തിയാണ് ഗവര്ണര് ജന്മദിനാശംസ അറിയിച്ചത്. ഒന്നര മണിക്കൂര് അദ്ദേഹം അവിടെ ചെലവവിട്ടു. ഒരുമിച്ചിരുന്ന് ഓണസദ്യയും കഴിച്ച ശേഷമാണു ഗവര്ണര് മടങ്ങിയത്.
നാലു ദശാബ്ദങ്ങള്ക്കു മുന്പ് ഒരേ പാര്ട്ടിയുടെ എംപിമാരായിരുന്നു ആരിഫ് മുഹമ്മദ് ഖാനും നീലലോഹിത ദാസും. നല്ല ചങ്ങാതിമാരായിരുന്ന ഇവര് പിന്നീട് വിരുദ്ധ ചേരികളില് ചേക്കേറിയെങ്കിലും സൗഹൃദം ഉപേക്ഷിച്ചിരുന്നില്ല. ഇന്നലെ ഉച്ചയ്ക്കു പന്ത്രണ്ടരയോടെയാണ് ഗവര്ണര് എത്തിയത്. നീലലോഹിത ദാസിന്റെ ഭാര്യയും മുന് എം.എല്.എയുമായ ജമീല പ്രകാശവും മകള് ദീപ്തി കുടുംബാംഗങ്ങളായ ഡോ.സുമേഷ്, ഭദ്ര, ചിത്രന് തുടങ്ങിയവരും ജനതാദള് എസ് ജില്ലാ സെക്രട്ടറി വി.സുധാകരനും ചേര്ന്നാണ് ഗവര്ണറെ സ്വീകരിച്ചത്. ഓണ നാളില് വീട്ടിലെത്തിയ പ്രത്യേക അതിഥിക്ക് ഓണക്കോടിയും നല്കിയാണ് യാത്രയാക്കിയത്.