മുംബൈ: യുവതിയുടെ അഴുകിയ മൃതദേഹം ഫ്ലാറ്റില് കണ്ടെത്തി. പ്രദേശത്ത് ദുര്ഗന്ധം വമിക്കുന്നതായി അയല്വാസികള് പോലീസില് പരാതി നല്കിയതിനെത്തുടര്ന്ന് ഞായറാഴ്ച രാത്രി വസായിലെ ഒരു അപ്പാര്ട്ട്മെന്റില് നിന്നാണ് യുവതിയുടെ മൃതദേഹം കണ്ടെത്തിയത്. മുംതാസ് കാസി(20) എന്ന യുവതിയുടെ മൃതദേഹമാണ് കണ്ടെത്തിയത്. വസായി നവഘഡിലെ ശ്രീ ആശിര്വാദ് അപ്പാര്ട്ട്മെന്റിലാണ് സംഭവം. ഫ്ലാറ്റില് ഒപ്പം താമസിച്ചിരുന്ന സുഹൃത്ത് മോമിന് ഗാസി ഒളിവിലാണ്.
കഴിഞ്ഞ കുറച്ച് ദിവസങ്ങളായി പൂട്ടിക്കിടക്കുകയായിരുന്നു ഈ അപ്പാര്ട്ട്മെന്റ്. മണിക്പൂര് പോലീസെത്തി ഫ്ലാറ്റിന്റെ വാതില് തകര്ത്ത് അകത്ത് കടന്നപ്പോള് കിടപ്പുമുറിയില് മുംതാസ് കാസിയുടെ മൃതദേഹം കണ്ടെത്തുകയായിരുന്നു. കഴുത്തില് സാരി കുരുക്കിയ നിലയിലായിരുന്നു മൃതദേഹം. സാരിയുടെ ഒരു ഭാഗം സീലിങ് ഫാനില് കെട്ടിയിരുന്നുവെന്നും മണിക്പൂര് പോലീസ് പറഞ്ഞു. സുഹൃത്ത് മോമിന് ഗാസിക്കായി തിരിച്ചില് തുടരുകയാണ്.
