ഇടുക്കി: ഇടുക്കിയില് ധ്യാനത്തിന് പോയി മടങ്ങി വന്ന ശേഷം കാണാതായ യുവതിയെ ആളൊഴിഞ്ഞ വീട്ടില് മരിച്ച നിലയില് കണ്ടെത്തി. പൂപ്പാറ സ്വദേശി മുരുകേശ്വരി ആണ് മരിച്ചത്. പൗള്രാജിന്റെ ഭാര്യ മുരുകേശ്വരിയെ കഴിഞ്ഞ വ്യാഴാഴ്ച മുതലാണ് കാണാതായത്. സംഭവത്തില് ദുരൂഹതയുണ്ടെന്ന ബന്ധുക്കളുടെ ആരോപണത്തില് പോലീസ് അന്വേഷണം ആരംഭിച്ചു.
ധ്യാനത്തിന് പോയി മടങ്ങിയെത്തിയ ശേഷം കാണാതായ യുവതിയെ രാജാക്കാട് എസ്റ്റേറ്റ് പൂപ്പാറക്ക് സമീപം ആളൊഴിഞ്ഞ വീട്ടിലാണ് മരിച്ച നിലയില് കണ്ടെത്തിയത്. യുവതിയുടെ മരണത്തില് ദുരൂഹതയുണ്ടെന്ന് ബന്ധുക്കള് പറഞ്ഞു. കഴിഞ്ഞ വ്യാഴാഴ്ച ധ്യാനത്തിനു പോയി മടങ്ങി വന്ന ഇവരെ കാണാതാവുകയായിരുന്നു. ബന്ധു വീടുകളിലും സമീപ വീടുകളിലും തെരച്ചില് നടത്തിയെങ്കിലും കണ്ടെത്താനാവാതെ വന്നതോടെ വീട്ടുകാര് പോലീസില് വിവരം അറിയിച്ചു. കഴിഞ്ഞ ദിവസം രാവിലെ സമീപത്തെ ആളൊഴിഞ്ഞ വീട്ടില് നിന്നും മൃതദേഹം കണ്ടെത്തുകയായിരിന്നു. സ്ഥലം ഉടമ കൃഷി ജോലികള്ക്കു എത്തിയപ്പോഴാണ് മൃദദേഹം കണ്ടത്. ആത്മഹത്യയാണെന്നാണ് പോലീസിന്റെ പ്രാഥമിക നിഗമനം.
