നെയ്യാറ്റിന്കര : യുദ്ധത്തിനെതിരായ സമാധാന സന്ദേശവുമായി നെയ്യാറ്റിന്കര കെ.എസ്.ആര്.ടി.സി.ഡിപ്പോയിലെ വനിതാ കണ്ടക്ടര്മാര് ആനവണ്ടിയാത്ര സംഘടിപ്പിച്ചു. ലോകസമാധാന ആഹ്വാനവുമായി പ്രകാശദീപങ്ങള് തെളിച്ചാണ് നെയ്യാറ്റിന്കര കെ.എസ്.ആര്.ടി.സി. ഡിപ്പോയിലെ വനിതാ കണ്ടക്ടര്മാരുടെ യാത്ര.
വനിതാദിന വാരാചരണത്തോടനുബന്ധിച്ച് കെ.എസ്.ആര്.ടി.സി. ഒരാഴ്ചക്കാലം വനിതകള്ക്ക് മാത്രമായി വിനോദയാത്രകള് സംഘടിപ്പിക്കുന്നുണ്ട്.
സംഘാടനവും പങ്കാളിത്തവും എല്ലാം വനിതകള് മാത്രം. യാത്രയുടെ ഉദ്ഘാടനം ജില്ലാ പഞ്ചായത്ത് സ്ഥിരംസമിതി അധ്യക്ഷ വി.ആര്.സലൂജ നിര്വഹിച്ചു. യോഗത്തില് ജനറല് കണ്ട്രോളിങ് ഇന്സ്പെക്ടര് ടി.ഐ.സതീഷ്കുമാര്, ടൂറിസം സെല് കോ-ഓര്ഡിനേറ്റര് എന്.കെ.രഞ്ജിത്ത്, ഒ.ശ്രീജകുമാരി, വി.സൗമ്യ ലക്ഷ്മി, ജി.പി.കവിത, എസ്.ബീന, വി.സൗമ്യ, എസ്.ശ്രീലത എന്നിവര് സംസാരിച്ചു. യാത്രയ്ക്ക് എസ്.സുജ, വി.അശ്വതി, എസ്.വി.പ്രിയ, ആശ കെ.നായര്, കെ.പി.ദീപ, വി.സജിതകുമാരി, സുരേഷ് കുമാരി തുടങ്ങിയവര് നേതൃത്വം നല്കി.
