പത്തനംതിട്ട : ഗാന്ധീയൻ ആശയങ്ങൾ ലോകത്തിന് മാതൃകയാണെന്നും. ഭാരതം ഗാന്ധിസത്തിലേക്ക് തിരികെ വരണമെന്നും കെപിജിഡി സംസ്ഥാന സെക്രട്ടറി ബിനു എസ്. ചക്കാലയിൽ പറഞ്ഞു. കേരളാ പ്രദേശ് ഗാന്ധി ദർശൻവേദി പത്തനംതിട്ട ജില്ലാ സമ്മേളനം ഡിസിസി ഓഡിറ്റോറിയത്തിൽ ഉത്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ജില്ലാ ചെയർമാൻ അബ്ദുൽ കലാം ആസാദിന്റെ അധ്യക്ഷതയിൽ സംസ്ഥാന സെക്രട്ടറി രജനി പ്രദീപ് മുഖ്യപ്രഭാഷണം നടത്തി. ആർഷഭാരത സംസ്കാരം സംഘപരിവാറും കമ്മ്യുണിസവും ഭയക്കുന്നതെന്ത് എന്ന വിഷയത്തെ അധീകരിച്ച് കെപിജിഡി സംസ്ഥാന ലീഗൽ ബോർഡ് അംഗം അഡ്വ. ഷൈനി ജോർജ്ജ് പ്രബന്ധം അവതരിപ്പിച്ചു. കെപിജിഡി സംസ്ഥാന കമ്മറ്റിയംഗം സജി ദേവി, വനിതാവേദി സംസ്ഥാന കൺവീനർ എലിസബത്ത് അബു, ജില്ലാ ജനറൽ സെക്രട്ടറി ഏബൽ മാത്യു, ജില്ലാ ട്രഷറർ പ്രൊഫ. ജി. ജോൺ, ബാലജനവേദി ജില്ലാ ചെയർമാൻ കെ. ജി. റെജി, ജില്ലാ ഐ റ്റി സെൽ കോ ഓർഡിനേറ്റർ ശ്രീദേവി ബാലകൃഷ്ണൻ, ജില്ലാ സെക്രട്ടറി ആർ. പുഷ്ക്കരൻ, വനിതാവേദി ജില്ലാ ജനറൽ സെക്രട്ടറി ലീലാ രാജൻ എന്നിവർ പ്രസംഗിച്ചു.
