ന്യൂഡല്ഹി : രാജ്യത്ത് ഇന്ന് മുതല് കേന്ദ്ര സര്ക്കാര് ഓഫീസുകളില് എല്ലാ ജീവനക്കാരും നേരിട്ട് ഹാജരാകും. ഇനിമുതല് വര്ക്ക് ഫ്രം ഹോം സംവിധാനം ഉണ്ടാവില്ലെന്നും കേന്ദ്രമന്ത്രി ജിതേന്ദ്ര സിംഗ് അറിയിച്ചു. അതേസമയം, ഗര്ഭിണികളായ സ്ത്രീകളെയും ദിവ്യാംഗരെയും ഓഫീസില് നേരിട്ട് ഹാജരാകുന്നതില് നിന്നും ഒഴിവാക്കിയിട്ടുണ്ട്. കൊറോണ കേസുകളുടെ എണ്ണം വര്ദ്ധിച്ച സാഹചര്യത്തില് ജനുവരി മൂന്നിനാണ് അണ്ടര് സെക്രട്ടറി തലത്തിന് താഴെയുള്ള 50 ശതമാനം ജീവനക്കാര്ക്കും ജനുവരി 31 വരെ വീട്ടിലിരുന്ന് ജോലി ചെയ്യാന് അനുമതി നല്കി പേഴ്സണല് മന്ത്രാലയം ഉത്തരവ് പുറപ്പെടുവിച്ചത്. ജീവനക്കാര്ക്കുള്ള വര്ക്ക് ഫ്രം ഹോം ക്രമീകരണം ഫെബ്രുവരി 15 വരെ നീട്ടുന്നതായി ജനുവരി 31 ന് സര്ക്കാര് അറിയിക്കുകയും ചെയ്തിരുന്നു. എന്നാല് പുതിയ സാഹചര്യത്തില് ഈ ഇളവുകള് റദ്ദ് ചെയ്തുകൊണ്ട് എല്ലാ വിഭാഗങ്ങളിലെയും വകുപ്പ് മേധാവികള് മുഖേന അറിയിപ്പ് നല്കിയിട്ടുണ്ട്.
രാജ്യത്ത് വര്ക്ക് ഫ്രം ഹോം പദ്ധതി അവസാനിച്ചു ; ജോലിക്കാര് ഇന്നു മുതല് ഓഫീസുകളില് എത്തും
RECENT NEWS
Advertisment