റാന്നി: രാവിലെ റബര് ടാപ്പിംങ്ങിനു പോയ തൊഴിലാളിയെ തോട്ടത്തില് മരിച്ച നിലയില് കണ്ടെത്തി. ഇടമുറി വെട്ടുവേലില് ആനന്ദന്(64) ആണ് മരിച്ചത്. ഇടമുറി പുള്ളിക്കല്ലില് ഉള്ള തോട്ടത്തില് ഇന്ന് രാവിലെ ടാപ്പിംങ് നടത്തുന്നതിനായി പോയതാണ്. ഏറെ സമയം കഴിഞ്ഞും തിരികെ എത്താന് വൈകിയതോടെ നാട്ടുകാര് തിരച്ചില് നടത്തുകയായിരുന്നു. തിരച്ചിലിനൊടുവില് ഇന്ന് ഉച്ചയോടെ റബര് മരത്തിന് ചുവട്ടിലായി മരിച്ച നിലയില് കണ്ടെത്തുകയായിരുന്നു. മുമ്പ് പക്ഷാഘാതം അടക്കം രോഗം വന്നു ചികിത്സയില് കഴിഞ്ഞിരുന്ന ആളാണ്.
ഇടമുറി ക്ഷേത്രത്തിന്റെ സമീപം ചായക്കട നടത്തി വരികയായിരുന്നു. മൃതദേഹം മന്ദമരുതിയിലെ സ്വകാര്യ ആശുപത്രി മോര്ച്ചറിയിലേക്ക് മാറ്റി. നാളെ പോസ്റ്റുമോര്ട്ടം നടപടികള് പൂര്ത്തിയാക്കി മൃതദേഹം ബന്ധുക്കള്ക്ക് വിട്ടു നല്കും. ഹൃദയാഘാതം ആകാം മരണ കാരണമെന്നാണ് പോലീസിന്റെ പ്രാഥമിക നിഗമനം. സംസ്ക്കാരം ഞായറാഴ്ച ഉച്ചകഴിഞ്ഞ് രണ്ടിന് വീട്ടുവളപ്പില്. ഭാര്യ: പൊന്നമ്മ.മക്കള്: അനില്കുമാര്.ആശ.
