ന്യൂയോര്ക്ക് : ലോകത്ത് കൊവിഡ് ബാധിതരുടെ എണ്ണം കുതിച്ചുയരുന്നു. കഴിഞ്ഞ 24 മണിക്കൂറിനിടെ നാലേകാല് ലക്ഷത്തിലധികം കേസുകളാണ് റിപ്പോര്ട്ട് ചെയ്തത്. ഇതോടെ ആകെ രോഗബാധിതരുടെ എണ്ണം പതിനാറ് കോടി എഴുപത്തിയൊന്പത് ലക്ഷം പിന്നിട്ടു. മരണസംഖ്യ 34.86 ലക്ഷമായി ഉയര്ന്നു. രോഗമുക്തി നേടിയവരുടെ എണ്ണം പതിനാല് കോടി തൊണ്ണൂറ്റിരണ്ട് ലക്ഷം കടന്നു.
യുഎസില് മൂന്ന് കോടി മുപ്പത്തിയൊന്പത് ലക്ഷം രോഗബാധിതരുണ്ട്. മരണസംഖ്യ 604,418 ആയി ഉയര്ന്നു. രണ്ട് കോടി എഴുപത്തിയഞ്ച് ലക്ഷം പേര് രോഗമുക്തി നേടി. ഇന്ത്യയില് 24 മണിക്കുറിനിടെ 2,22,315 പുതിയ കേസുകള് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. 3,02,544 പേര് രോഗമുക്തി നേടി. ഞായറാഴ്ച 2,40,842 പുതിയ കേസുകളായിരുന്നു ഉണ്ടായിരുന്നത്. രാജ്യത്തെ മൊത്തം കോവിഡ് രോഗികളുടെ എണ്ണം 2.67 കോടിയായി. 4454 പേര് 24 മണിക്കൂറിനിടെ മരിച്ചു.
