വാഷിംഗ്ടണ് ഡിസി : ലോകത്ത് കഴിഞ്ഞ 24 മണിക്കൂറിനിടെ 8,000ത്തോളം പേര് കോവിഡ് ബാധിച്ച് മരിച്ചതായി റിപ്പോര്ട്ട്. 7,869 പേരാണ് 24 മണിക്കൂറിനിടെ മരണത്തിനു കീഴടങ്ങിയതെന്ന് ജോണ്സ് ഹോപ്കിന്സ് സര്വകലാശാലയും വേള്ഡോമീറ്ററും പുറത്തുവിട്ട കണക്കുകള് പറയുന്നു. ഇതുവരെ 1,401,489 പേരാണ് കോവിഡ് ബാധിച്ച് മരിച്ചത്. പുതിയതായി 488,664 പേര്ക്കുകൂടി വൈറസ് ബാധിച്ചതോടെ ആകെ കോവിഡ് ബാധിതരുടെ എണ്ണം 59,486,926 ആയി ഉയര്ന്നു. 41,137,183 പേര് രോഗമുക്തി നേടുകയും ചെയ്തു.
16,948,254 പേരാണ് നിലവില് വൈറസ് ബാധിച്ച് ചികിത്സയിലുള്ളത്. ഇതില് 103,581 പേരുടെ നില അതീവ ഗുരുതരമാണെന്നും റിപ്പോര്ട്ടുകള് വ്യക്തമാക്കുന്നു. അമേരിക്ക, ഇന്ത്യ, ബ്രസീല്, ഫ്രാന്സ്, റഷ്യ, സ്പെയിന്, ബ്രിട്ടന്, ഇറ്റലി, അര്ജന്റീന, കൊളംബിയ എന്നീ രാജ്യങ്ങളാണ് കോവിഡ് ബാധിതരുടെ എണ്ണത്തില് മുന്നില് നില്ക്കുന്ന പത്തു സ്ഥാനങ്ങളിലുള്ള രാജ്യങ്ങള്.
