ന്യൂയോര്ക്ക്: ആഗോളതലത്തില് കോവിഡ് ബാധിതരുടെ എണ്ണം ഏഴരക്കോടി കടന്നു. ഇതുവരെ 16,91,772 പേര് കൊറോണ വൈറസ് രോഗം ബാധിച്ചു മരിച്ചു. കോവിഡ് രോഗമുക്തി നേടിയവരുടെ എണ്ണം അഞ്ച് കോടി മുപ്പത്തിയേഴ് ലക്ഷം പിന്നിട്ടു. അമേരിക്ക, ഇന്ത്യ, ബ്രസീല് തുടങ്ങിയ രാജ്യങ്ങളാണ് രോഗബാധിതരുടെ എണ്ണത്തില് ആദ്യ മൂന്ന് സ്ഥാനങ്ങളിലുള്ളത്.
ഇന്ത്യയില് വൈറസ് ബാധിതരുടെ എണ്ണം ഒരു കോടി കടന്നു. മരണം 1.45 ലക്ഷവും കടന്നു. രോഗമുക്തി നിരക്ക് 95.4 ശതമാനമായി ഉയര്ന്നിരിക്കുകയാണ്. ഇത് ലോകത്തെ ഏറ്റവും ഉയര്ന്ന നിരക്കാണ്. രോഗമുക്തരായവര് ചികിത്സയിലുള്ളവരുടെ 30 ഇരട്ടിയാണ്. നിലവില് ചികിത്സയിലുള്ളത് 3,06,465 പേരാണ്. വൈറസ് ബാധിതരുടെ എണ്ണത്തില് ഒന്നാം സ്ഥാനത്ത് അമേരിക്കയാണ്. രാജ്യത്ത് 18,077,768 പേര്ക്കാണ് രോഗം ബാധിച്ചിരിക്കുന്നത്. 323,401പേര് മരിച്ചു.രോഗമുക്തി നേടിയവരുടെ എണ്ണം ഒരു കോടി അഞ്ചുലക്ഷം പിന്നിട്ടു. ബ്രസീലിലും സ്ഥിതി ഗുരുതരമായി തുടരുകയാണ്.
