ന്യൂയോര്ക്ക്: ആഗോളതലത്തില് കൊവിഡ് ബാധിതരുടെ എണ്ണം ഒന്പത് കോടി അറുപത്തിയഞ്ച് ലക്ഷം കടന്നിരിക്കുന്നു. വേള്ഡോമീറ്ററിന്റെ കണക്കുപ്രകാരം അഞ്ചര ലക്ഷത്തിലധികം പുതിയ കേസുകളാണ് റിപ്പോര്ട്ട് ചെയ്തിരിക്കുന്നത്. 20,63,803 പേര് കൊറോണ വൈറസ് ബാധിച്ചു മരിച്ചു. ലോകത്ത് രോഗമുക്തി നേടിയവരുടെ എണ്ണം ആറ് കോടി തൊണ്ണൂറ്റിരണ്ട് ലക്ഷം കടന്നിരിക്കുകയാണ്.
ഇന്ത്യയില് 1,05,96,442 പേര്ക്കാണ് കൊവിഡ് റിപ്പോര്ട്ട് ചെയ്തിരിക്കുന്നത്. 13,000 ത്തിലധികം പുതിയ കേസുകള് റിപ്പോര്ട്ട് ചെയ്തു. നിലവില് 1,94,201 പേര് മാത്രമേ കോവിഡ് ചികിത്സയിലുള്ളു. 1,02,45,092 പേര് രോഗമുക്തി നേടിയിരിക്കുകയാണ്. വൈറസ് ബാധമൂലം മരണമടഞ്ഞവരുടെ എണ്ണം 1.52 ലക്ഷമായി.
കൊറോണ വൈറസ് രോഗബാധിതരുടെ എണ്ണത്തിലും മരണത്തിലും ലോകത്ത് ഒന്നാം സ്ഥാനത്ത് അമേരിക്കയാണ്. യുഎസില് രണ്ട് കോടി നാല്പത്തിയേഴ് ലക്ഷം കൊവിഡ് ബാധിതരാണ് ഉള്ളത്. ഒന്നര ലക്ഷത്തിലധികം പുതിയ കേസുകള് റിപ്പോര്ട്ട് ചെയ്തു. 4.11 ലക്ഷം പേര് മരിച്ചു. രോഗമുക്തി നേടിയവരുടെ എണ്ണം ഒരു കോടി നാല്പത്തിയേഴ് ലക്ഷം കടന്നു.
ബ്രസീലിലും സ്ഥിതി ഗുരുതരമായി തുടരുകയാണ് ചെയ്യുന്നത്. രാജ്യത്ത് എണ്പത്തിയഞ്ച് ലക്ഷം പേര്ക്കാണ് കൊറോണ വൈറസ് രോഗം സ്ഥിരീകരിച്ചത്. 2.11 ലക്ഷം പേര് മരിച്ചു. റഷ്യയിലും ബ്രിട്ടനിലും രോഗവ്യാപനം രൂക്ഷമാകുകയാണ്. റഷ്യയില് മുപ്പത്തിയാറ് ലക്ഷം പേര്ക്കാണ് ഇതുവരെ വൈറസ് ബാധ സ്ഥിരീകരിച്ചത്. മുപ്പത്തിനാല് ലക്ഷം രോഗ ബാധിതരാണ് ബ്രിട്ടനിലുള്ളത്. രാജ്യത്ത് 30,000ത്തിലധികം പുതിയ കേസുകള് റിപ്പോര്ട്ട് ചെയ്തു.
