കൊച്ചി : നടൻ ജോജു ജോർജിനെതിരെ കൊച്ചിയിൽ ഭീഷണി മുദ്രവാക്യങ്ങളുമായി യൂത്ത് കോൺഗ്രസിന്റെ പ്രകടനം. ജോജുവിന്റെ ഫോട്ടോ വെച്ച ഒരു റീത്തുമായിട്ടാണ് യൂത്ത് കോൺഗ്രസ് പ്രകടനം നടന്നത്. ജോജുവിന്റെ വാഹനം തകർത്ത കേസിൽ കോൺഗ്രസ് നേതാക്കൾ ജയിലിൽ ആയതിന് പിന്നാലെയാണ് യൂത്ത് കോൺഗ്രസിന്റെ റീത്ത് പ്രകടനം. ചുണയുണ്ടെങ്കിൽ പോരിന് വാടാ, അന്ന് നിനക്കും പേപ്പട്ടിക്കും ഒരു വിധിയാണെന്ന് ഓർത്തോളു, നിന്റെ നാളുകൾ എണ്ണപ്പെട്ടു തുടങ്ങിയ ഭീഷണികളാണ് യൂത്ത് കോൺഗ്രസ് നേതാക്കൾ ഉയർത്തിയത്. ബി ഉണ്ണികൃഷ്ണനെതിരെയും യൂത്ത് കോൺഗ്രസ് മുദ്രവാക്യങ്ങൾ മുഴക്കി.
