കോന്നി : കോന്നി ഗ്രാമപഞ്ചായത്തിന്റെയും കോന്നി ആയുർവേദ ഡിസ്പെൻസറിയുടെയും സംയുക്ത ആഭിമുഖ്യത്തിൽ 12-മത് അന്താരാഷ്ട്ര യോഗാദിനാചരണം കോന്നി ഗ്രാമപഞ്ചായത്ത് കമ്മ്യൂണിറ്റി ഹാളിൽ നടന്നു. “ആരോഗ്യപരമായ വാർദ്ധക്യം യോഗയിലൂടെ” എന്ന സന്ദേശവുമായി നടന്ന പരിപാടി കോന്നി ഗ്രാമപഞ്ചായത്ത് പ്രസിഡന്റ് റോജി ഏബ്രഹാം ഉദ്ഘാടനം ചെയ്തു. ഗ്രാമ പഞ്ചായത്ത് വൈസ് പ്രസിഡന്റ് ശോഭ മുരളി അധ്യക്ഷത വഹിച്ചു. ‘യോഗയും ആരോഗ്യവും’ എന്ന വിഷയത്തില് കോന്നി ആയുർവേദ ഡിസ്പെൻസറി മെഡിക്കൽ ഓഫീസർ വൃന്ദ കെ. ക്ലാസ് നയിച്ചു. യോഗാചാര്യൻ ദിലീപ് പി.എസ് യോഗ സന്ദേശവും പ്രദർശനവും നടത്തി. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ അനിതാ ബിജു സ്വാഗതം ആശംസിച്ചു.
വികസന സ്റ്റാന്റിങ് കമ്മറ്റി ചെയർമാൻ മോഹനൻ കാലായിൽ, ക്ഷേമകാര്യ സ്റ്റാന്റിങ് കമ്മറ്റി ചെയർമാൻ അജി കൊച്ചുകുഞ്ഞ്, ഗ്രാമപഞ്ചായത്ത് അംഗങ്ങളായ കെപി ശിവദാസ്, സുജിത്ത് ബാലഗോപാൽ, സ്കറിയ പനച്ചത്തറയിൽ, ജിൽഷ ഷാജി, ഇന്ദുകല വി., സംഗീത മനോജ്, സൂര്യകല ആർ., സിന്ധു ശശി, ബ്ലോക്ക് പഞ്ചായത്തംഗം സൗദ റഹീം, കവിത രാജ്, കോന്നി ഗ്രാമപഞ്ചായത്ത് അസി. സെക്രട്ടറി സജിനിമോൾ എസ് എന്നിവർ സംസാരിച്ചു.
