മഥുര : ഉത്തർപ്രദേശിലെ മഥുരയിൽ മാംസത്തിന്റെയും മദ്യത്തിന്റെയും വിൽപ്പന പൂർണമായി നിരോധിച്ചു. കൃഷ്ണോത്സവം 2021 പരിപാടിയിൽ സംസാരിക്കവേ മുഖ്യമന്ത്രി യോഗി ആദിത്യനാഥാണ് നിരോധനം പ്രഖ്യാപിച്ചത്.
നിരോധനം കൃത്യമായി പാലിക്കുന്നുണ്ടോ എന്ന് ഉറപ്പുവരുത്താനും ഈ മേഖലകളിൽ ജോലിചെയ്യുന്നവരെ മറ്റ് ജോലികളിലേക്ക് മാറ്റി വിന്യസിക്കാനും ബന്ധപ്പെട്ട ഉദ്യോഗസ്ഥർക്ക് നിർദേശം നൽകിയതായി അദ്ദേഹം അറിയിച്ചു. മദ്യവും മാംസവും വിൽക്കുന്നവർ പാൽ വിൽപ്പനയിലേക്ക് തിരിയുന്നത് പാലിന്റെ ഉത്പാദനത്തിൽ മുന്നിൽ നിൽക്കുന്ന മഥുരയുടെ യശസ്സ് ഉയർത്തുമെന്നും അദ്ദേഹം പറഞ്ഞു.