കര്ഷകക്ഷേമനിധി ബോര്ഡില് അംഗത്വമെടുക്കാന് കര്ഷകര്ക്ക് http://kfwfb.kerala.gov.in എന്ന വെബ് പോര്ട്ടല് വഴി അപേക്ഷിക്കാം. നിലവില് കര്ഷക പെന്ഷന് ലഭിക്കുന്നവര്ക്ക് തുടര്ന്ന് ക്ഷേമനിധി മുഖേനയാണ് പെന്ഷന് ലഭിക്കുക. പതിനെട്ടിനും 55നും ഇടയില് പ്രായമുള്ള, മൂന്നു വര്ഷത്തില് കുറയാതെ കൃഷി പ്രധാന ഉപജീവനമാര്ഗമായി സ്വീകരിക്കുകയും മറ്റേതെങ്കിലും ക്ഷേമനിധിയില് അംഗമല്ലാത്തവരുമായ കര്ഷകര്ക്ക് ഈ പദ്ധതിയില് അംഗമാകാം. 100 രൂപ രജിസ്ട്രേഷന് ഫീസടച്ച് അപേക്ഷിക്കണം.
അഞ്ച് സെന്റില് കുറയാതെയും 15 ഏക്കറില് കവിയാതെയും ഭൂമി കൈവശമുള്ള, അഞ്ചു ലക്ഷം രൂപയില് താഴെ വാര്ഷിക വരുമാനമുള്ളവരാകണം അപേക്ഷകര്. ഉദ്യാനകൃഷി, ഔഷധ സസ്യക്കൃഷി, നഴ്സറി നടത്തിപ്പ് എന്നിവയില് ഏര്പ്പെട്ടിരിക്കുന്നവര്ക്കും മത്സ്യം, അലങ്കാരമത്സ്യം, കക്ക, തേനീച്ച, പട്ടുനൂല്പ്പുഴു, കോഴി, താറാവ്, ആട്, മുയല്, കന്നുകാലി ഉള്പ്പെടെയുള്ളവയെ പരിപാലിക്കുന്നവര്ക്കും അപേക്ഷിക്കാം. കുറഞ്ഞത് അഞ്ചു വര്ഷം അംശാദായം കുടിശ്ശികയില്ലാതെ അടച്ചശേഷം മരണമടയുന്നവരുടെ കുടുംബത്തിന് കുടുംബ പെന്ഷന് ലഭിക്കും.
