കൊച്ചി : ചുമട്ടുതൊഴിൽ ഭൂതകാലത്തിന്റെ ശേഷിപ്പാണെന്നും അത് നിർത്തേണ്ട കാലം കഴിഞ്ഞെന്നും ഹൈക്കോടതി. സെപ്റ്റിക് ടാങ്കൊക്കെ വൃത്തിയാക്കാൻ മനുഷ്യനെ ഉപയോഗിച്ചിരുന്ന കാലമുണ്ടായിരുന്നു. അതുപോലെയാണ് ചുമടെടുക്കാൻ മനുഷ്യനെ ഉപയോഗിക്കുന്നതും. ഇതിന് മാറ്റംവരേണ്ട കാലം കഴിഞ്ഞെന്നും ജസ്റ്റിസ് ദേവൻ രാമചന്ദ്രൻ അഭിപ്രായപ്പെട്ടു. ചുമട്ടുതൊഴിലാളികൾക്ക് എല്ലാ ആനുകൂല്യങ്ങളും നൽകി ഉചിതമായി പുനരധിവസിപ്പിക്കണമെന്നും തൊഴിൽ തർക്കങ്ങളുമായി ബന്ധപ്പെട്ട് പോലീസ് സംരക്ഷണം തേടിയുള്ള വിവിധ കേസുകൾ പരിഗണിക്കവേ അദ്ദേഹം പറഞ്ഞു.
