കോട്ടയം: വനിത എസ്ഐ അടക്കമുള്ള ഉദ്യോഗസ്ഥരെ കയ്യേറ്റം ചെയ്ത സംഭവത്തില് യുവ അഭിഭാഷകന് പോലീസ് അറസ്റ്റ് ചെയ്തു. മരങ്ങാട് വടയാറ്റുകുന്നേല് വിപിന് ആന്റണിയാണ് പിടിയിലായത്. കഴിഞ്ഞ ദിവസമാണ് സംഭവം.
പരിശോധനയ്ക്കിടെ റോഡരികില് വിപിനും സുഹൃത്തുക്കളും നില്ക്കുന്നത് കണ്ട് പോലീസ് വിവരം തിരക്കുകയായിരുന്നു. എന്നാല് ഇത് ഇഷ്ടപ്പെടാതിരുന്ന വിപിന് പോലീസിനു നേരെ തട്ടിക്കയറുകയായിരുന്നു. യുവാക്കള് അപമര്യാദയായി പെരുമാറുകയും മര്ദ്ദിക്കുകയും ചെയ്തതായാണ് പോലീസ് പറയുന്നത്. വിപിനെ പോലീസ് പിടികൂടിയതോടെ കൂടെ ഉണ്ടായിരുന്ന 2 പേര് ഓടിരക്ഷപെട്ടു. ഇവര് മദ്യപിച്ചിരുന്നതായും പോലീസ് പറഞ്ഞു.
മരങ്ങാട് ജാഗ്രത സമിതി കേന്ദ്രത്തിന് സമീപമാണ് സംഭവം. എസ്ഐ ഇ.പി ഡിനി, പോലീസുകാരായ വിനോദ്, ആര് ജഗതി എന്നിവര്ക്കുനേരെയാണ് യുവാക്കള് അതിക്രമത്തിന് മുതിര്ന്നത്.
പുതിയ എസ്ഐ-യായി ഡിനി കഴിഞ്ഞയിടെയാണ് ചുമതലയേറ്റത്. വിപിന്റെ സുഹൃത്തുക്കളായ ദീപക്, ബെനറ്റ്, സച്ചിന് എന്നിവര്ക്കായി പോലീസ് അന്വേഷണം ഊര്ജ്ജിതമാക്കി. ഡിവൈഎസ്പി സാജു വര്ഗീസിന്റെ നേതൃത്വത്തിലാണ് അന്വേഷണം.
