വെഞ്ഞാറമൂട് : സ്കൂട്ടര് യാത്രക്കാരിയായ യുവതിയെ ബൈക്കിലെത്തി ആക്രമിച്ച സംഭവത്തില് തമിഴ്നാട് സ്വദേശിയായ യുവാവിനെ വെഞ്ഞാറമൂട് പോലീസ് കഴിഞ്ഞ ദിവസം അറസ്റ്റു ചെയ്തു. തഞ്ചാവൂര് ബോതല്ലൂര് പുതുക്കോട്ട മധുപന് നോര്ത്ത് സ്ട്രീറ്റില് നിന്നും വാമനപുരം അമ്പലംമുക്ക് ഉടയന്പാറ കോളനിയില് വാടകയ്ക്കു താമസിക്കുന്ന വിഷ്ണു (24) ആണ് ഇന്നലെ അറസ്റ്റിലായത്. 26ന് ഉച്ചയ്ക്ക് വാമനപുരം കളമച്ചല് റോഡില് മാവേലി നഗറിനു സമീപമായിരുന്നു സംഭവം നടന്നത്. സ്കൂട്ടറില് വാമനപുരത്തേക്കു വന്ന പൊയ്കമുക്ക് സ്വദേശിനിയെ എതിര്ദിശയില് ബൈക്കില് വന്നയാള് കടന്നു പിടിച്ച് ആക്രമിക്കുവാന് ശ്രമിച്ചു. സ്കൂട്ടര് നിയന്ത്രണംവിട്ട് മറിഞ്ഞ് കൈകാലുകള്ക്കും തലയ്ക്കും ഗുരുതരമായി പരുക്കേറ്റു.
