തൊടുപുഴ: മദ്യപിച്ചശേഷം ഭാര്യയെ ക്രൂരമായി മര്ദിച്ച യുവാവ് പിടിയില്.
ഇടുക്കി അണക്കര സ്വദേശി പുല്ലുവേലില് ജിഷ്ണുദാസ് ആണ് അറസ്റ്റിലായത്. ജിഷ്ണുദാസ് മദ്യപിച്ച ശേഷം ഭാര്യയെ ഉപദ്രവിക്കുന്നത് പതിവായിരുന്നു. കെജിഎഫ് സിനിമയിലെ നായക കഥാപാത്രം റോക്കി ഭായി ആണ് താന് എന്ന് പറഞ്ഞായിരുന്നു മര്ദ്ദനം. കൈയില് ധരിച്ചിരുന്ന വലിയ മോതിരം ഉപയോഗിച്ച് മുഖത്ത് ക്രൂരമായി മര്ദിച്ചിരുന്നു. കഴിഞ്ഞ ദിവസം വിവരം അറിഞ്ഞെത്തിയ ഭാര്യാ പിതാവിന്റെ മുന്പില് വെച്ചും മര്ദനം തുടര്ന്നു. കഴുത്തില് മുറുകെ പിടിച്ച് ശ്വാസം മുട്ടിക്കുന്നതും പതിവായിരുന്നു. ഇതോടെയാണ് വീട്ടുകാര് വണ്ടന്മേട് പോലീസില് പരാതി നല്കിയത്. പ്രതിയെ റിമാന്ഡ് ചെയ്തു.
