ആലപ്പുഴ : വിപണിയില് ലക്ഷങ്ങള് വിലവരുന്ന ഹാഷിഷ് ഓയിലുമായി യുവാവ് പിടിയില്. മാരാരിക്കുളം തെക്ക് പഞ്ചായത്ത് പതിനൊന്നാം വാര്ഡ് മുണ്ടാടന് വീട് അബിന് (21) ആണ് ആലപ്പുഴയില് പിടിയിലായത്.
ആലപ്പുഴ പൂങ്കാവ് റെയില്വെ ക്രോസിന് സമീപം വച്ചാണ് കെ 9 സ്ക്വാഡും നോര്ത്ത് പോലീസും ചേര്ന്ന് ഇയാളെ പിടികൂടിയത്. പോലീസിനെ കണ്ടപാടെ ഓടി രക്ഷപെടാന് ശ്രമിച്ച അബിനെ പിന്തുര്ന്ന് പിടികൂടി പരിശോധിച്ചപ്പോഴാണ് നാല് പ്ലാസ്റ്റിക് ബോട്ടിലിലായി 11.8 ഗ്രാമോളം വരുന്ന ഹാഷിഷ് ഓയില് കണ്ടെത്തിയത്. ആലപ്പുഴയിലെ മയക്കുമരുന്ന് മാഫിയയെ പിടികൂടുന്നതിനായി നടത്തിയ തെരച്ചിലിന്റെ ഭാഗമായാണ് ഇയാളെ പോലീസ് പിടികൂടിയത്. വരും ദിവസങ്ങളില് കൂടുതല് അറസ്റ്റ് ഉണ്ടാവുമെന്നും മയക്കുമരുന്ന് വില്പനക്കാരെയും ഇടനിലക്കാരെയും പിടികൂടാനുള്ള പരിശോധന ശക്തമാക്കുമെന്നും പോലീസ് പറഞ്ഞു.
