കോഴിക്കോട് : മയക്കുമരുന്നായ ഹഷീഷ് ഓയിലുമായി യുവാവ് അറസ്റ്റില്. കരുവിശ്ശേരി സ്വദേശി ശാന്തിരുത്തിവയലില് ശിഖിലിനെയാണ് (20) എക്സൈസ് അറസ്റ്റ് ചെയ്തത്.16 പ്ലാസ്റ്റിക് കുപ്പികളിലായി 72.16 ഗ്രാം ഹഷീഷ് ഓയിലാണ് കണ്ടെടുത്തത്. എക്സൈസ് ഇന്റലിജന്സ് ബ്യൂറോയില്നിന്നുള്ള വിവരത്തിന്റെ അടിസ്ഥാനത്തില് തിങ്കളാഴ്ച ഉച്ചക്ക് ഒന്നരയോടെ കാരപ്പറമ്പില്നിന്ന് കോഴിക്കോട് എക്സൈസ് സര്ക്കിള് ഇന്സ്പെക്ടര് സി.ശരത്ത് ബാബുവും സംഘവുമാണ് പ്രതിയെ അറസ്റ്റ് ചെയ്തത്. കണ്ടെടുത്ത ഹഷീഷ് ഓയില് കോയമ്പത്തൂരില്നിന്നാണ് വാങ്ങിയതെന്ന് ഇയാള് ചോദ്യംചെയ്യലില് വ്യക്തമാക്കി.
